Talar Toys´r´us íslensku?

Sá að Toys´r´us er að auglýsa eftir fólki til starfa í sunnudagsblaði Fbl.  Voðalega hvimleitt þegar áberandi stafsetningarvillur er látnar fara fram hjá sér áður en birting er.  Sá reyndar líka þegar opnunin var kynnt að þá voru villur, vantaði sér íslenska stafi og í stað að skrifa "Sími" stóð "Tel.f". Greinilegt að auglýsingin er unnin erlendis eftir ákveðnum stöðlum og íslensku stafirnir ekki að skila sér.  T.d. í atvinnuauglýsingunni er orðinu "auglýsum" skipt rangt í fyrirsögninni:

"Þess vegna auglý-

sum við nú eftir..."  

Og aðeins neðar:

"Við viljum ein-

nig þakka fyrir tillitsemina..."

 Einnig er "nýungar" ekki skrifað "nýjungar" með joði síðast þegar ég vissi. Þarna eru bara 3 villur sem að ég sé í fljótu bragði. Held að þeir ættu að fjárfesta í prófarkarlesara áður en svona er látið í loftið.  Já, þetta pirrar mig bara   Sérstaklega þegar dagur íslenskrar tungu var í síðustu viku.

Athugasemdir

[Felix G, 20.11.2007 kl. 21:36]

úfff...já. Svona umhverfi ólst ég uppí þegar ég var hjá bílaumboðinu. Það var þekkt fyrir mikið af texta í auglýsingum og mitt hlutverk var að lesa allt yfir fyrir birtingar.  Þannig að þegar maður sér svona stingur það mig strax í augun =)

Allt í lagi með smá villur á blogginu =)