The Secret

Það er voðalega mikið talað um "The Secret" síðustu vikurnar.  Ég er búinn að sjá myndina og er að lesa bókina.  Nokkuð sniðug hugmynd og hvetur fólk til að hugsa jákvætt og laða góða og jákvæða hluti að sér.  Sumt af þessu er kannski aðeins of mikið (krabbameinssjúklingur læknaði sjálfan sig) en annað er eitthvað sem að ég prufaði í gær.  Það er nefnilega sagt að ef maður hugsi neikvæða hluti, þá gerist neikvæðir hlutir fyrir mann.  Ég hef t.d. alltaf lent í lengstu röðinni þegar ég er í búð og veit það vel, þó að ég skipti yfir því að hin virðist ganga betur (svipað og í Office myndinni).  Þannig að ég prufaði þetta í Bónus í gær, og viti menn, það gekk bara nokkuð vel.  Ég ætla alltaf að hugsa þetta núna þegar ég fer að versla, því að ég hef notað þetta líka þegar ég leita að bílastæðum, þá tek ég Dale Carnegie pakkann og finn alltaf gott bílastæði í hæfilegri lengd á stuttum tíma.

Mæli með því að þið prufið þetta.  Bara gaman og gerir lífið skemmtilegra =)

1 dagur í Maraþonið, spenningurinn farinn að segja til sín, ekki mikið sofið í nótt, alltaf hóstandi.  En ég gefst ekki upp.  Tek þetta alla leið.  Já, svona viljum við hafa það

Athugasemdir

[Sigga Hrönn, 17.8.2007 kl. 09:42]

Hvað er að gerast með þig félagi, maraþon.........??? Þú ert hetja!!!

[Guðný M, 17.8.2007 kl. 10:22]

Til hamingju með síðuna þína!  Ég er sannfærð um að "the secret" virkar..... alla vegna er það gott mótív til að vera alltaf súper jákvæður og bjartsýnn!